martes, 2 de junio de 2009

SANTOÑAKO UDALETXE PROIEKTUA /LAMINAK + MAKETA

_posterra
_proiektua
Santoñako udaletxea lantzeko orduan lehengo urratsa programaren azterketa izan da. Atal pribatuak eta publikoak bereizi eta erabiltzaile mota ezberdinak aztertu egin dira (udaletxeko langileak, bisitariak etab). Hauetako bakoitzak behar ezberdinak izaten ditu eta udaletxea erabiltzeko orduan osatuko dituzten ibilbide ezberdinak aztertu ondoren espazio ezberdinen arteko harremanak finkatu egin dira. Azkenik puntu ezberdinak kontuan hartuz eta funtzionamendu egokia bilatuz, eraikin eskema bat landu egin da.Eraikina orokorrean bolumen ezberdinez eta hauek lotzen dituzten pasarelaz osatzen da eta elementu guzti hauen konbinaketaren bidez programaren antolaketa garbia bilatzen da.
Behin eraikin ideia edukita kokatzen den gunearekin harreman bat bilatzen da. Udaletxe berriaren bolumen adierazgarrienak herriaren tramaren ardatzekin egingo dute topo. Orubera eramaten duten bideetatik eraikina ikustea posible izango da herriaren eta eraikinaren arteko harreman bat bilatuz.

























KURTSOKO AZKEN KLASE TEORIKOA /
Kurtsoko azkenengo klase teorikoetan hainbat irudi eta pelikulen artean Joy Division-en Atmosphere bideo ikusi egin genuen. Zuri beltzean filmatua positiboaren eta negatiboaren, betearekin eta hutsaren arteko jokoa nabari daiteke. Bideoak eta abestiak zentzu transzendente bat transmititu egiten du taldearen edo behintzat abeslariaren islada. Honekin batera hemen estreinatu berria den CONTROL filmea aipatu egin zuen Juanjok eta honek nire ustez oso gomendagarria den beste pelikula bat gogarazi egin zidan, 24 HOURS PARTY PEOPLE hain zuzen.
Tony Wilson-en biografia den pelikula honetan Manchester*-en gertatutako mugimenduaren gorabehera guztiak azadu egiten dira. Sex Pistols-etik hasi eta joy division-en post-punk-etik madchester edo sonido manchester-eko trantzizioa Happy Mondays-en eskutik azaltzen da (beste hainbat talde ere agertzen (eta falta) dira). Nire iritziz oso pelikula interesgarria eta talde berriak ezagutzeko baliagarria.